Monday, December 1, 2014

ច្បាប់ចរាចរណ៍ផ្លូវគោកថ្មី ធ្នូ ២០១៤

បន្ទាប់ពីសភាអនុម័តច្បាប់ចរាចរណ៍ផ្លូវគោកដែលសភាអនុម័ត និងយកទៅអនុវត្តក្នុងខែកុម្ភៈ២០០៧មក ច្បាប់នេះមិនត្រូវបានអនុត្តអោយបានពេញលេញនៅឡើយទេ មានមន្រ្តីជាន់ខ្ពស់ខ្លះ បានជិះឡានបុកមនុស្សស្លាប់ហើយ មិនត្រឹមតែមិនទទួលខុសត្រូវយកជនរងគ្រោះទៅព្យាបាលទេ ថែមទាំងបើកឡានរត់គេច និងដោះផ្លាកលេខចោលទៀតផង។ ទោះបីដឹងថា ជននោះជាជនល្មើសច្បាប់ចរាចរណ៍យ៉ាងណាក៏ដោយ ក៏មន្ត្រីនគរបាលយុត្តិធម៌ អង្គភាពអយ្យការមិនបានចាត់ការយកជននោះទៅផ្តន្ទាទោសតាមច្បាប់ឡើយ!

បើយើងក្រឡេកមើលពីគ្រោះថ្នាក់ចរាចរណ៍វិញមានច្រើនសណ្ឋានច្រើនបែបណាស់ មានប្រជាពលរដ្ឋ​ខ្លះលើកឡើងថា  មកពីប្រព័ន្ធយុត្តិធម៌ស្រុកខ្មែរមិនសូវល្អ ដោយមិនដាក់ទោសអ្នកដែលរំលោភច្បាប់ ខ្លះទៀតនិយាយថា មកពិការផ្សាយពាណិជ្ជកម្មស្រាច្រើនពេក មិនត្រឹមតែប៉ុណ្ណោះបុគ្គលមានឥទ្ធិពលផុតលេខក្នុងសង្គមបានអំពាវនាវអោយពលរដ្ឋខ្លួនពិសារស្រាបៀដើម្បីបានពន្ធចូលរដ្ឋទៀតផង។ មានមតិខ្លះក៏បានរិះគន់ទៅមន្ត្រីចរាចរណ៍ទៀតថា ជាជនពុករលួយ និងមិនយល់ពីច្បាប់ ថែមទាំងមិនគោរពច្បាប់ចរណ៍ចរណ៍ទៀតផង ដោយពេលជិះម៉ូតូមិនដែលពាក់មួកសុវត្ថិភាពជាដើម ឬពេលខ្លះលប់ស្ទាក់ចាំចាប់អ្នកជិះបញ្ជ្រាសទិស ដូចជាចោរអញ្ចឹង។ មតិពលរដ្ឋដែលលើកឡើងនេះក៏ជាការរិះគន់សម្រាប់ការកែលំអរសង្គមអោយមានការគោរពច្បាប់ទាំងអស់គ្នាដែរ។

ចំពោះច្បាប់ចរាចរណ៍ឆ្នាំ២០០៧ មន្ត្រីមួយចំនួនយល់ថា គ្រោះថ្នាក់ចរាចរណ៍កើតច្រើន ដោយសារការពិន័យជាប្រាក់លើជនល្មើសនោះមានភាពតិចតួចពេក ដូច្នេះដើម្បីអោយអនុត្តច្បាប់ប្រកបដោយប្រសិទ្ធិភាព នោះត្រូវដាក់ទោសអ្នកប្រព្រិត្តអំពើល្មើសអោយមានភាពធ្ងន់ធ្ងរបន្តិច ដូច្នេះហើយក៏មានការទាមទារអោយបង្កើតច្បាប់ចរាចរណ៍ថ្មីឆ្ហាំ២០១៤នេះដែលសភាកំពុងជជែកពិភាក្សាយ៉ាងផុសផុល។

ច្បាប់ចរាចរណ៍២០១៤នេះបានដាក់ទោស និងពិន័យជាប្រាក់យ៉ាងសម្បើម ដែលពលរដ្ឋធម្មតាមិនអាចបង់បានឡើយ មានតែត្រៀមខ្លួចូលដេកគុគតែប៉ុណ្ណោះ (មាត្រា ៧៥នៃសេចក្តីព្រាងច្បាប់ថ្មី)។ ក្នុងមាត្រាបានកំណត់អំពីទោសចំពោះអ្នកដែលបើកបរអត់មានប័ណ្ណបើកបរ (រួមទាំងម៉ូតូ ឡាន) នោះត្រូវដាក់គុក៦ថ្ងៃដល់១ខែ និងពិន័យពី១០មឺនទៅ៨០មឺរៀល។ តើនៅតាមជនបទមានប៉ុន្មាភាគរយដែលអ្នកបើកបរម៉ូតូមានអាជ្ញាប័ណ។ ប៉ុន្តែបើជនណាមានប្រាក់អាចបង់ពិន័យអន្តរការណ៍បាន នោះគេមិនចាំបាច់ប្តឹងទៅតុលាការឡើយ (មាត្រា ៦៤ និង៦៥ សេចក្តីព្រាងច្បាប់)។ ចំពោះពិន័យអន្តរការណ៍គេកំណត់នៅក្នុងអនុក្រិត្យ (មាត្រា៧១)​ យើងមិនដឹងថាតើអនុក្រិត្យចេញចាប់ឬលឿនក្រោយពេលសភាអនុម័តឡើយ តែសង្ឈឹមនឹងចេញលឿនចុះ។ ចំពោះជនដែលបានលុយបង់ពិន័យអន្តរការណ៍បាននាំអោយមានការរំលត់បណ្តឹងអាជ្ញា (មាត្រា ៨៧)។

ផលវិភាគសម្រាប់អ្នកជិះម៉ូតូគឺថា ពេលទិញមួកសុវត្ថិភាព អ្នកត្រូវសួររកថាតើមួកនោះត្រូវតាមស្តង់ដារគុណភាពជាតិហើយឬនៅ (មាត្រា ៤) បើមិនគោរពច្បាប់ស្តង់ដារបស់ជាតិទេ នោះអ្នកពាក់មួកនោះនឹងប្រឈមមុខចំពោះទោសពិន័យអន្តរការណ៍ដែរ (ប្រហែលមានចែងនៅក្នុងអនុក្រិត្យ)។

ទោះជាយ៉ាងណាក៏ដោយ ច្បាប់ចរាចរណ៍ថ្មីនេះមានលក្ខណៈប្រសើរត្រង់ថា អ្នកទិញមិនចាំចាច់ទៅធ្វើផ្លាកលេខម៉ូតូ ឬឡានដោយខ្លួនឯងទេ គឺតម្រូវអោយម្ចាស់ហាងត្រូវបំពេញបែបបទសម្រាប់ការចុះបញ្ជីសុុំផ្លាកលេខអោយបានរួចហើយទើបប្រគល់អោយអ្នកទិញ (មាត្រា៤៨)។


អ្នកអាចទាញយកច្បាប់ថ្មីនេះបានដោយគ្រាន់តែចុចចំណុចនេះ


Thursday, November 13, 2014

សិក្ខាសាលារៀបចំផែនការការងារ

គោរពអញ្ជើញ សមាជិក ចូលរួមសិក្ខាសាលារៀបចំផែនការយុត្តិសាស្រ្តក្រុម ក្រុមគិតត្រិះរិះគតិយុត្តិ ( Critical Legal Thinking / CLT ) ដែលជាបណ្តាញសង្គម អ្នកច្បាប់ សូមជម្រាបជូនដំណឹង ដល់សមាជិកក្រុមទំាងអស់ឲ្យបាន ជ្រាបថា ដើម្បីលើកកម្ពស់ការអនុវត្តន៍ច្បាប់ប្រកបដោយប្រសិទ្ធិភា និងមានប្រព័ន្ធតុលាការឯករាជ្យសំដៅឈានទៅរកសង្គមមួយដែលមាននីតិរដ្ឋបរិបូរនិងសន្តិភាព ក្រុម CLT នឹងរៀបចំ ផែនការយុត្តិសាស្រ្ត៥ ឆ្នាំរបស់ខ្លួន ដែលនឹងប្រព្រឹត្តទៅនៅថ្ងៃទី ៣០ ខែ វិច្ឆិកា ឆ្នាំ២០១៤ វេលាម៉ោង៨ ព្រឹកដល់ ១១:៣០នាទី នៅ ទីស្នាក់ការអង្កការយុវសន្តិភាព/ វិទ្យាស្ថានសន្តិភាពកម្ពុជា ផ្ទះលេខ -G ផ្លូវលេខ ៥១៣ សង្កាត់បឹងកក់១ ខណ្ឌទួលគោក ភ្នំពេញ អាស្រ័យហេតុនេះ សូមគោរពអញ្ចើញសមាជិកក្រុម មេត្តាចូលរូម ក្នុងកម្មវិធីនេះឲ្យបានច្រើនកុះករ ដើម្បីងាយស្រួលរៀបចំ សូមមេត្តាផ្តល់ព័តមានពីការចូលរួមរបស់លោក លោកស្រីមកអ្នករៀបចំមុនថ្ងៃទី២៦ ខែវិច្ឆិកា តាមរយៈទូរស័ព្ទមកលោក នូ វ៉ា លេខ ០១៦ ៣១៤ ៩៦៤ ០៣១៧៧៧៧៨០០ Facebook email nouvakrt@gmail.com/ cambodianlawjournal@gmail.com សូមអរគុណ !


We cordially invite the group members of Critical Legal Thinking Group to attend
a five year strategic planning to identify issues and determine future action plan. Your attendance is valuable to reach the common goal to solve our currently problem in Cambodia, particular, human rights and judicial independent. The event will be held on November 30, 2014 at Youth For Peace office #4-6 G Street 513, Sangkat Boeungkak 1, Phnom Penh. Please confirm your participants before 26 November 2014.

The foreigners are also welcome to attend the forum. We will conduct simultaneous interpretation for this workshop.

We would like you to confirm your attendance to Mr. Nou Va, tel 016 314 964, 031 7777 800 facebook and/this page before 26 November 2014.

Tuesday, October 7, 2014

តើច្បាប់ណាខ្លះត្រូវបាននិរាករណ៍ដោយក្រមស្ដីពី ការអនុវត្តក្រមរដ្ឋប្បវេណី?

       តើច្បាប់ណាខ្លះត្រូវបាននិរាករណ៍ដោយក្រមស្ដីពី
ការអនុវត្តក្រមរដ្ឋប្បវេណី?


      I.        និរាករណ៍នូវបទបញ្ញត្តិមួយចំនួននៃច្បាប់ស្ដីពីអាពាហ៍ពិពាហ៍​និងគ្រួសារ        
នៅក្នុងច្បាប់អាពាហ៍ពិពាហ៍ និង គ្រួសារជាច្បាប់មួយដែលមានបញ្ញត្តិនូវមាត្រាដែល​បានអនុវត្តកន្លងមក​រាល់បញ្ហាមួយចំនួនពាក់ព័ន្ធរវាងបុរសនិងនារី ស្មុំកូន កំជាប់ពាក្យកូនឥត ខាន់ស្លា ស្វែងរកបិតុភាព នីតិវិធីនៃការលែងលះ និងមានបញ្ញត្តិមួយចំនួនជាច្រើនទៀត។ រាល់ច្បាប់ទាំងនេះវាជាច្បាប់មួយដែលអាចជួយដោះស្រាយ និង បានដឹងអំពីនីតិវិធី​ក្នុងការ​ប្រើប្រាស់ឬបានយល់នូវមាត្រានីមួយៗដែលបានបញ្ជាក់នៅក្នុងមាត្រាទាំងនោះផងដែរ។ ច្បាប់ស្ដីពីអាពាហ៍ពិពាហ៍ និង គ្រួសារនេះ ត្រូវបាត់បង់អានុភាពដែលចាប់ពីកាលបរិច្ឆទ​នៃការអនុវត្ត ហើយការអនុវត្តនោះ នៅថ្ងៃទី ២៦​ ខែកក្កដា​ ឆ្នាំ១៩៨៩ តែលើលែងតែបញ្ញត្តិនៃ​មាត្រា៧៦ មាត្រា៧៧ និង​បញ្ញត្តិពីមាត្រា៧៩ ដល់មាត្រា៨១ នៃច្បាប់នេះនៅតែមានអានុភាព​ក្រោយកាលបរិច្ឆទនៃការអនុវត្ត​រហូតដល់ពេលដែលកំណត់ នូវច្បាប់ ផ្សេងទៀត។ ដោយមូលហេតុនៃច្បាប់នេះត្រូវបាននិរាករណ៍ ដោយសារនៅក្នុងក្រមរដ្ឋប្បវេណីនេះមានចែង និង មានការអនុវត្តអោយប្រើប្រាស់រួច ទៅហើយនោះ មានន័យថា ច្បាប់ អាពាហ៍ពិពាហ៍និង​គ្រួសារមានចែងរួចទៅហើយនៅក្នុងក្រមរដ្ឋប្បវេណីដូច្នេះហើយបានជាត្រូវបាននិរាករណ៍។ហើយមាត្រាដែលបាននិរាករណ៍ចាប់ពីមាត្រា១ ដល់មាត្រា ៧៥ មាត្រា៧៨​ មាត្រា៨២ ដល់មាត្រា១២២ នៃច្បាប់ស្ដីពីអាពាហ៍ពិពាហ៍និងគ្រួសារ។

    II.        និរាករណ៍នូវបទបញ្ញត្តិមួយចំនួននៃក្រឹត្យច្បាប់លេខ៣៨ក្រចស្ដីពីកិច្ចសន្យានិងការទទួលខុសត្រូវក្រៅកិច្ចសន្យា
          នៅក្នុងកិច្ចសន្យាមានន័យថា ជាកិច្ចសន្យាដែលធ្វើឡើងតាមការព្រមព្រៀង រវាង បុគ្គល ពីនាក់ទៅតាមឆន្ទះរបស់ខ្លួនដើម្បីបង្កើតនូវកិច្ចសន្យា និង កែប្រែរលត់កាតព្វកិច្ចដែល​ទាក់ទង​និងកាតព្វកិច្ចរបស់ខ្លួន។ហើយកិច្ចសន្យាទាំងនោះត្រូវរួមចំណែកផ្សា​ភ្ជាប់ទៅផលប្រយោជន៍​បុគ្គលនិងផលប្រយោជន៍សង្គម។នេះមានន័យថាភាគីនៃកិច្ចសន្យាត្រូវតែ​មានភាពស្មោះត្រូវនូវក្នុង​ការបង្កើតកិច្ចសន្យានិងមានការទទួលខុសត្រូវនូវកិច្ចសន្យាដែលបានព្រមព្រៀងរវាងគូភាគី។ ប៉ុន្ដែក្រឹត្យច្បាប់លេខ ៣៨ ក្រ.ច ត្រូវបានបាត់អានុភាព ចាប់ពីពេលកាលបរិច្ឆេទនៃការអនុវត្ត  លើកលែងតែមាត្រា៨៣ និងមាត្រា៨៨ នេះនៅតែមានអានុភាពក្រោយកាលបរិច្ឆេទ​ការអនុវត្តរហូត​ដល់មានច្បាប់ផ្សេងមកជំនួស។
ចាប់ពីមាត្រា១ដល់មាត្រា២​ មាត្រា៨៤​និងមាត្រា៨៧ និងចាប់ពីមាត្រា៨៩ដល់មាត្រា១៣៨​ត្រូវបាននិរាករណ៍នៃក្រឹត្យច្បាប់​លេខ៣៨ក្រ ច ។នៅក្នុងក្រមរដ្ឋប្បវេណីក៏មានពាក់ពន្ធ័​និងមានចែងនៅកិច្ចសន្យានិងការទទួលខុសត្រូវក្រៅកិច្ចសន្យាដែល ដូច្នេះហើយបានជាក្រឹត្យ​លេខ​៣៨ក្រ ច នេះត្រួវបាននិរាករណ៍។

   III.        វិសោធនកម្មនូវបទបញ្ញត្តិមួយ​ចំនួន​នៃច្បាប់ភូមិបាលឆ្នាំ២០០១
នៅក្នុងច្បាប់ភូមិបាលផងដែរក៏បានបញ្ញត្តិកម្មសិទ្ធទៅលើអចលនវត្ថុក្នុងគោលបំនងធានាការពារនូវកម្មសិទ្ធនិងសិទ្ធផ្សេងទៀតទៅលើអចលនវត្ថុដែលស្របទៅតាមរដ្ឋធម្មនុញ្ញនៃព្រះរាជាណាចក្រកម្ពុជា។ បញ្ហាទាំងនេះពាក់ព័ន្ធដីធ្លីការសម្បទានដីពីដី​សាធារណៈមកជាដីឯកជនវិញ​និងមាន​ផ្នែកផ្សេងៗទៀតបានចែង។នៅក្នុងនោះដែរច្បាប់ទាំងអស់នេះត្រូវបានវិសោធនកម្ម​ដូចខាងក្រោមៈ
- ត្រូវលុបកថាខណ្ឌទី៣ នៃមាត្រា៦។
- ត្រូវលុបកថាខណ្ឌទី១ និងកថាខណ្ឌទី៣ នៃមាត្រា១០។
- ត្រូវកែចំណងជើងនៃជំពូកទី៦ ទៅជា អំពីលទ្ធកម្មនៃកម្មសិទ្ធ
- ត្រូវលុបមាត្រា៦៣ ដល់មាត្រា៦៨។
- ត្រូវលុបកថាខណ្ឌទី១ នៃមាត្រា៦៩។
- ត្រូវកែផ្នែកទី២ នៃជំពូកទី៦ ដូចតទៅៈ
ផ្នែកទី២ ត្រូវបានលុបមាត្រា៧០ ដល់ាមាត្រា៧១។
- ត្រូវលុបនូវមាត្រា៧៥​ និងមាត្រា៧៦។
-ត្រូវកែមាត្រា៧៨ ថា​ “ដីដែលធ្លាក់ទៅជាទ្រព្យរដ្ឋដោយយោងតាមបញ្ញត្តិនៃមាត្រា ១៣០០​(មរតកដែលធ្លាក់ទៅជាទ្រព្យរដ្ឋ) នៃក្រមរដ្ឋប្បវេណី ត្រូវបញ្ចូលក្នុង ទ្រព្យសម្បត្តិ​ឯកជនរបស់រដ្ឋ។
- ត្រូវលុបចាប់ពីមាត្រា៧៩ ដល់មាត្រា៨២។
- ត្រូវលុបមាត្រា៨៤។
- ត្រូវកែចំណងជើងនៃមាតិកាទី៣ ទៅជា អំពីវិធានដី និង សេវភាព
- ត្រូវកែផ្នែកទី១ ដល់ផ្នែកទី៤ នៃជំពូកទី៧ ដូចតទៅៈ
ផ្នែកទី១ ដល់ផ្នែកទី៤ ត្រូវបានលុប
- មាត្រា៨៥ ដល់មាត្រា១១៣ ត្រូវបានលុប។
- ត្រូវកែចំណងជើងនៃជំពូកទី៨ ទៅជា អំពីសេវភាព
- ត្រូវលុបមាត្រា១១៧​ មាត្រា១១៨។
- ត្រូវកែផ្នែកទី១ និងផ្នែកទី២ នៃជំពូកទី៨ ដូចតទៅ៖
​   ផ្នែកទី១ និងផ្នែកទី២ ត្រូវបានលុប
- ត្រូវបានលុបមាត្រា១១៩ ដល់ាមាត្រា១៤១។
- ត្រូវលុបចាប់ពីមាត្រា១៤២ ដល់មាត្រា១៤៧។
- ត្រូវលុបចាប់ពីមាត្រា១៤៩ ដល់មាត្រា១៦៧។
- ត្រូវកែចំណងជើងនៃមាតិកាទី៤ ទៅជា អំពីសហកម្មសិទ្ធ
- ត្រូវកែជំពូកទី៩ ដូចតទៅ៖
ជំពូកទី៩ ត្រូវបានលុប មាត្រា១៦៨ ដល់មាត្រា១៧៤។
-       ត្រូវកែជំពូកទី១១ ដូចតទៅ៖
-        ជំពូកទី១១ ត្រូវបានលុប មាត្រា១៨៦ ដល់មាត្រា១៩៦។
-       ត្រូវកែមាតិកាទី៥ ដូចតទៅៈ
មាតិកាទី៥ ត្រូវបានលុប
មាត្រា១៩៧ ត្រូវបានលុប
ជំពូកទី១២ ដល់ជំពូកទី១៤ ត្រូវបានលុប
មាត្រា១៩៨ ដល់មាត្រា២២៥ ត្រូវបានលុប។
- ត្រូវកែពាក្យ ការដាក់ធានាទៅជា ផលុបភោគ នៅក្នុងមាត្រា២២៩ និងមាត្រា២៣៨។
ត្រូវកែឃ្លា ដោយលិខិតលក់អោយដូរឬជម្រះ​មរតកដែលត្រូវធ្វើឡើងដោយបុគ្គលដែល​មាននីតិ​សម្បទានដូចមានចែងក្នុងមាត្រា៦៥នៃច្បាប់នេះទៅជា ដោយលិខិតជាលាយលក្ខណ៍​អក្សរតាមទម្រង់លិខិតយថាភូតធ្វើដោយអាជា្ញធរមានសមត្ថកិច្ចនៅក្នុងកថាខណ្ឌទី២មាត្រា២៤៤។
-      ត្រូវកែមាត្រា២៤៥ ទៅជា “កិច្ចសន្យាដើម្បីផ្ទេកម្មសិទ្ធិលើអចលនវត្ថុត្រូវ​ធ្វើឡើងជា​លាយលក្ខណ៍អក្សរតាមទំរង់លិខិតយថាភូតដោយអាជ្ងាធរមានសមត្ថកិច្ច ដើម្បីចុះ បញ្ជីកិច្ចសន្យានោះនៅរដ្ឋបាលសុរិយោដី។
-      ត្រូវលុបមាត្រា២៤៦។
-      ត្រូវលុបឃ្លា “ ហើយការខូចខាតទាំងឡាយដែលបណ្ដាលមកអំពីនេះត្រូវដោះស្រាយ ដោយសំណងរដ្ឋប្បវេណី ” នៅក្នុងមាត្រា២៤៧។
-      ត្រូវលុបកថាខណ្ឌទី២ នៃមាត្រា២៥៣។ ផ្នែកទាំងអស់ត្រូវបាននិរាករណ៍និងកែប្រែឃ្លា មួយចំនូនដូចខាងលើនេះ។


ផ្នែកទី ២

វិសោធនកម្មនូវបទបញ្ញត្តិមួយចំនួននៃក្រមរដ្ឋប្បវេណី
                                                                    
ក្រមរដ្ឋប្បវេណីជាច្បាប់មួយដែលបានការពារនូវផលប្រយោជន៍បុគ្គលនិងនីតិបុគ្គលផងដែរ ដែលក្រមនេះបញ្ជាក់នូវខ្លឹមសារ និង មានមាត្រាចែងច្បាស់លាស់ក្នុងការដោះស្រាយនូវបញ្ហាដែលបានកើតមានឡើង។
          ក្រមរដ្ឋប្បវេណីដែលត្រូវបានប្រកាសអោយប្រើដោយព្រះរាជក្រមលេខៈនស/រកម/១២០៧/០៣០ ចុះថ្ងៃទី៨ខែធ្នូ ឆ្នាំ២០០៧ហើយត្រូវបាននិរាករណ៍ដូចខាងក្រោម៖
ត្រូវកែឃ្លា      លក្ខណៈដើមនៃសមាសភាគនោះទៅជា លក្ខណៈដើមនៃ​វត្ថុនោះនៅក្នុង​មាត្រា១២១(សមាសភាគនៃវត្ថុ)
ត្រូវកែឃ្លា    ក្នុងទំហំដែល​ច្បាប់បានកំរិតទៅជា ក្នុងទំហំដែលច្បាប់ និង បទដ្ឋាន​គតិយុត្តផ្សេងៗទៀតបានកម្រិតនៅក្នុងមាត្រា១៣៨(និយមន័យនៃកម្មសិទ្ធ)
ត្រូវកែពាក្យអាជ្ញាធរខេត្ត ក្រុងទៅជា អាជ្ញាធររាជធានីខេត្ត នៅក្នុងវាក្យខណ្ឌទី៣ និង វាក្យខណ្ឌទី៤ នៃមាត្រា១៨៥(កម្មសិទ្ធិនៃបាតទន្លេ ឬស្ទឹងចាស់ ដោយសារការបង្កើតផ្លូវទឹកថ្មី)។
ត្រូវកែឃ្លាដោយបានដឹងថាខ្លួនគ្មានសិទ្ធកាន់កាប់ទេ ទៅជា ដោយបានដឹងថាខ្លួនគ្មាន​សិទ្ធអំណាចក្នុងការកាន់កាប់ទេនិងកែឃ្លា ដោយមិនបានដឹងថាខ្លួនគ្មានសិទ្ធិទេ  ទៅជា ដោយ​មិនបានដឹងថាខ្លួនគ្មានសិទ្ធិអំណាចទេ នៅក្នុងវាក្យខណ្ឌទី១និងកថាខណ្ឌទី១នៃមាត្រា២៣៣ (កាន់កាប់ដោយមានវិការៈ)។
ត្រូវបន្ថែមពាក្យឬ ប័ណ្ឌសំគាល់សិទ្ធកាន់កាប់ប្រើប្រាស់ដីធ្លី”​បន្ទាប់ពីពាក្យប័ណ្ណសំគាល់ សិទ្ធកាន់កាប់អចលនវត្ថុ”​នៅក្នុងកថាខណ្ឌទី១ និងកថាខណ្ឌទី៣ នៃមាត្រា២៤២ (ការការពាភោគីអចលនវត្ថុដែលមានបណ្ណ័សំគាល់សិទ្ធិកាន់កាប់)។
ត្រូវកែពាក្យ“​ផលុបភោគីទៅជាម្ចាស់សេវភាព នៅក្នុងកថាខណ្ឌទី៤ មាត្រា២៩១(ករណីកិច្ច​របស់ម្ចាស់សេវភាព)។
ត្រូវកែឃ្លាបើភាគីម្ខាងនៃកិច្ចសន្យាបានប្រើ​ឋានៈខ្លួន​ដែលមានអាទិភាពជាងភាគីម្ខាង
ទៀតខាងផ្នែកសេដ្ឋកិច្ច ឬផ្នែកសង្គម​ឬបានប្រើស្ថានភាពផ្សេងទៀតដែលភាគីម្ខាងទៀតមិនអាច
ប្រឆាំងតបបានទេទៅជាបើភាគីម្ខាងទៀតនៃកិច្ចសន្យាបានប្រើដោយមិនត្រឹមត្រូវនូវឋានៈខ្លួនដែលមានអាទិភាពជាងភាគីម្ខាងទៀតមិនអាចប្រឆាំងតបបានទេនៅក្នុងកថាខណ្ឌទី១នៃមាត្រា៣៤៩(ការរំលោភបំពានលើស្ថានភាព)។
ត្រូវបន្ថែមពាក្យក្រៅផ្លូវតុលាការ ឬ មុនពាក្យ តាមផ្លូវតុលាការនៅក្នុងកថាខណ្ឌទី១ នៃមាត្រា៣៨៥(សិទ្ធិរបស់ម្ចាស់បំណុលក្នុងការទាមទារឲ្យអនុវត្តកាតព្វកិច្ច)។
ត្រូវកែពាក្យការមិនអនុវត្តកាតព្វកិច្ចទៅជាការអនុវត្តកាតព្វកិច្ចមិនបានពេញលេញ
នៅក្នុងមាត្រា៣៩៣(ការមិនអនុវត្តកាតព្វកិច្ចមិនបានពេញលេញ)។
 ត្រូវលុបឃ្លា ក្នុងករណីដែលបានកំណត់នៅក្នុងកថាខណ្ឌទី១ខាងលើនេះនៅក្នុងកថាខណ្ឌទី២នៃមាត្រា៤១២(សិទ្ធិរំលាយក្នុងករណីដែលកម្មវត្ថុនៃកិច្ចសន្យាត្រូវបានខូចខាឬបាត់បង់)
ត្រូវកែពាក្យ “ប៉ុន្តែ” ទៅជាក្នុងករណីនេះ” ក្នុងវាក្យខណ្ខទី២នៃមាត្រា៤២០ (ការទទួលបន្ទុកហានិភ័យចំពោះកិច្ចសន្យាអញ្ញមញ្ញដែលមានអត្ថន័យត្រូវធ្វើឬមិនត្រូវធ្វើ)។
ត្រូវកែឃ្លា “សិទ្ធិលើបំណុលនោះបន្ទាប់ពីពាក្យ “អ្នកដែលបានទទួលផលប្រយោជន៍​ពីអំពើរបស់កូនបំណុលនោះ” នៅក្នុងកថាខណ្ខទី១នៃមាត្រា៤២៨(លក្ខខណ្ឌនៃ​ការលុបចោល​នូវអំពើដែលនាំឲ្យខូចខាតផលប្រយោជន៍)។
ត្រូវកែឃ្លា “ពេលដែលទាញហេតុផលផ្ទាល់មាត់” ទៅជា “ពេលបញ្ចប់ការទាញហេតុផល​ដោយផ្ទាល់មាត់” នៅក្នុងវាក្យខណ្ឌទី២នៃមាត្រា៤២៩(សិទ្ធិដែលត្រូវបានរក្សាការពារ)។
ត្រូវកែឃ្លា “នៅពេលដែលម្ចាស់បំណុលមិនព្រមចំពោះការតម្កល់សាលក្រមឬសាលដីកា​ដែលប្រកាសថាការតម្កល់នោះមានធនុភាពមិនទាន់ចូលជាស្ថាពរទេ” ទៅជា “នៅក្នុង​កំឡុងពេលដែលម្ចាស់បំណុលមិនទាន់ព្រមចំពោះការតម្កល់ឬក្នុងអំឡុងពេលដែលសាលក្រម ឬសាលដីកាដែលប្រកាសថាការតម្កល់នោះមានអនុភាពមិនទាន់ចូលជាស្ថាពរទេ” នៅក្នុង​វាក្យខណ្ឌទី១ កថាខណ្ឌទី២នៃមាត្រ៤៥៧(ការតម្កល់)។
ត្រូវកែឃ្លា “មិនអាចយកហេតុនោះតតាំងចំពោះអនុប្បទាយីបានឡើយ” ទៅជា “មិនអាច យកហេតុផលតតាំងចំពោះអនុប្បទានិកបានឡើយ” នៅក្នុងវាក្យខណ្ខទី១ កថាខណ្ឌទី១ នៃមាត្រា៥០៥(អានុភាពនៃការជូនដំណឹងនិងការយល់ព្រម)។
ត្រូវកែឃ្លា “នៅក្នុងមាត្រា១៣៣ (ការបង្កើត ការផ្ទេរ និង ការកែប្រែនូវសិទ្ធិប្រត្យក្ស​ដោយ​ការព្រមព្រៀង) មាត្រា១៣៤ (លក្ខខណ្ឌតតាំងនៃការបង្កើត ការផ្ទេរ និងការកែប្រែ​នូវសិទ្ធិប្រត្យក្ស មាត្រា១៣៥ (លក្ខខណ្ឌដើម្បី បង្កើតអានុភាព នៃការផ្ទេរកម្ម​សិទ្ធិលើអចលនវត្ថុ​ដោយការព្រមព្រៀង)។
មាត្រា១៦០ (លទ្ធកម្មនៃកម្មសិទ្ធិលើអចលនវត្ថុ)និងមាត្រា១៨៧(លទ្ធកម្មនៃកម្មសិទ្ធិលើ​ចលនវត្ថុ) ទៅជា “ចាប់ពីមាត្រា១៣៣(ការបង្កើត ការផ្ទេរនិងការកែប្រែនូវសិទ្ធិប្រត្យក្សដោយ​ការព្រមព្រៀង) ដល់មាត្រា១៣៥ (លក្ខខណ្ឌដើម្បីបង្កើតអានុភាពនៃការផ្ទេរកម្មសិទ្ធិលើអចលនវត្ថុ​ដោយការព្រមព្រៀង) នៅក្នុងកថាខណ្ឌទី១នៃមាត្រា៥២៨(ការផ្ទេរកម្មសិទ្ធិ)។
ត្រូវកែឃ្លា “សិទ្ធិជួលជាអចិន្ត្រៃយ៍” ទៅជា “សិទ្ធិជួលអចិន្ត្រៃយ៍” និងបន្ថែនពាក្យ “សិទ្ធិអាស្រ័យនៅ” បន្ទាប់ពីពាក្យ “សិទ្ធិប្រើប្រាស់” នៅក្នុងកថាខណ្ឌទី១នៃមាត្រា៥៣៤ (ការទទួលខុសត្រូវក្នុងការធានាក្នុងករណីដែលមានសិទ្ធិជាផលុបភោគជាអាទិ៍)។
ត្រូវកែឃ្លា “អ្នកទិញត្រូវបានបង្ហាញ” ទៅជា “អ្នកល់ត្រូវបានបង្ហាញ” នៅក្នុងចំណុច គ កថាខណ្ឌទី២នៃមាត្រា៥៣៩(ករណីកិច្ចផ្ដល់វត្ថុដែលគ្មានវិការៈ)។
ត្រូវបន្ថែមពាក្យ “ស្រូវ” បន្ទាប់ពីពាក្យ “ស្បៀងអាហារ” នៅក្នុងមាត្រា៥៧៨(និយមន័យនៃ​ការខ្ចីបរិភោគ)។
ត្រូវកែឃ្លា “ការទាមទារត្រូដែលបានកំណត់នៅក្នុងកថាខណ្ឌទី១ខាងលើនេះ ទៅជា “កាទាមទារដែលកំណត់ក្នុងកថាខណ្ឌទី២ខាងលើនេះ” នៅក្នុងកថាខណ្ឌទី៤នៃមាត្រា៦០៥ (ការទទួល​ខុសត្រូវរបស់ភតិបតីចំពោះវិការៈនៃវត្ថុជួល)។
ត្រូវកែពាក្យ “សមាជិកគណៈកម្មាការនាយក” ទៅជា “អភិបាល” នៅក្នុងកថាខណ្ឌ​ទី១នៃមាត្រា៧៤៨(អំពើរបសើអនីត្យានុកូលរបស់នីតិបុគ្គល)។
ត្រូវកែពាក្យ “ចំនួនទឹកប្រាក់នៃការខូចខាត” ទៅជា “ចំនួនទឹកប្រាក់នៃសំណងការខូចខាត” នៅក្នុងមាត្រា៧៦៣(ការទូទាត់ប្រាក់ចំណាញនិងខាត) និងមាត្រា៧៦៤ (ការទូរទាត់នូវកំហុស)។
ត្រូវលុបឃ្លា “សិទ្ធិលើការបញ្ចាំដើម្បីធានាបំណុលអណ្តែត” នៅក្នុងកថាខណ្ឌទី២ នៃមាត្រា​៧៧០(ភាពទៅជាមួយគ្នានៃសិទ្ធិប្រាតិភោគប្រត្យក្ស)។
ត្រូវកែពាក្យ “អាហារកិច្ច” ទៅជា​ “អាហារកាតព្វកិច្ច” នៅក្នុងកថាខណ្ឌទី២ នៃមាត្រា៧៨៦ (ឯកសិទ្ធិចំពោះសោហ៊ុយសម្រាប់បុណ្យសព) និងមាត្រា៧៨៧ (ឯកសិទ្ធិចំពោះការផ្ដល់​នូវវត្ថុសម្រាប់ប្រើប្រាស់ឬប្រចាំថ្ងៃ)។
ត្រូវកែឃ្លា “ចំពោះប្រាក់ដែលអនុប្បទានិកឬភតិកៈបន្តនោះទទួល” ទៅជា “ចំពោះប្រាក់​ដែលអនុប្បទាយីឫភតិបតីបន្តទទួល” នៅក្នុងវាក្យខណ្ឌទី២ នៃមាត្រា៧៩១ (ទំហំនៃវត្ថុដែល​ជាកម្មវត្ថុនៃឯកសិទ្ធិចំពោះការជួលអចលនវត្ថុ ក្នុងករណីអនុប្បទាននូវសិទ្ធិជួលឬជួលបន្ត)។
ត្រូវកែឃ្លា “ដើម្បីផលប្រយោជន៍របស់ម្ចាស់បំណុលផ្សេងទៀត” ទៅជា “ដើម្បីផលប្រ យោជន៍របស់ម្ចាស់បំណុលហ៊ីប៉ូតែកផ្សេងទៀត” នៅក្នុងវាក្យកថាខណ្ឌទី១កថាខណ្ឌទី១នៃមាត្រា ៨៦១(អនុប្បទានឬការបោះបង់និងការផ្លាស់ប្ដូរនូវលំដាប់នៃហ៊ីប៉ូតែក)។
ត្រូវកែពាក្យ “បញ្ជូល” ទៅជា “បញ្ចូល” នៅក្នុងកថាខណ្ឌទី១ មាត្រា៩០៣ (ទំហំនៃការធានា កាតព្វកិច្ច)។
ត្រូវលុនឃ្លា “ដោយមិនចាំបាច់មានការយលព្រមពីកូនបំណុលផ្សេងទៀត” នៅក្នុងកថា​ខណ្ឌទី៣នៃមាត្រា៩២២(ការបង្កើតកាតព្វកិច្ចដោយសាមគ្គីភាព)។
ត្រូវកែឃ្លា “តាមសមាត្រនៃបន្ទុករបស់កូនបំណុលផ្សេងទៀត” ទៅជា “តាមសមាត្រ​និងចំនួនភាគរយនៃចំនួនទឹកប្រាក់សរុបនៃកាតព្វកិច្ច” នៅក្នុងវាក្យខណ្ឌទី២ កថាខណ្ឌទី១ នៃមាត្រា៩៣២(សិទ្ធិទាមទារសំណងរបស់កូនបំណុលដែលបានសង)។
ត្រូវលុបឃ្លា “ឬលែងទទួលស្គាល់” នៅក្នុងចំណងជើងនិងបញ្ញត្តិនៃមាត្រា៩៤២​(ការ​រលត់ញាតិភាពដោយការកាត់កាល់ឬលែងទទួលស្គាល់)។
ត្រូវកែឃ្លា “ប្តីឬប្រពន្ធទាំងសងខាង” ទៅជា “ប្ដីប្រពន្ធទាំងសងខាង” នៅចំណុចខ នៃមាត្រា ៩៧៥(ការទទួលខុសត្រូវដោយសាមគ្គីភាពចំពោះការតព្វកិច្ច)។
ត្រូវកែឃ្លា “អចលនវត្ថុ” ទៅជា “អចលនវត្ថុសម្រាប់ការអាស្រ័យនៅរបស់គ្រួសារ” នៅក្នុងកថាខណ្ឌទី៣នៃមាត្រា៩៧៦(ការចាត់ចែងទ្រព្យសម្បត្តិរួមរបស់ប្ដីប្រពន្ធ)។
ត្រូវកែពាក្យ “ខេត្ត ក្រុង” ទៅជា “រាជធានី ខេត្ត” នៅក្នុងចំណុចខនៃមាត្រា១០៤២​(ករណីកិច្ចពិភាក្សាអំពីចំណុចសំខាន់ៗទាក់ទងទៅនិងកូន)។
ត្រូវកែឃ្លា “សហពន្ធ័និងញាតិនៅក្ក្នុង៤ថ្នាក់របស់អនីតិជននៅក្រោមអាណាព្យាបាល” ទៅជា “សហព្ធ័និងញាតិនៅក្នុង៤ថ្នាក់របស់អ្នកអាណាព្យាបាលសម្រាប់អនីតិជន” នៅក្នុងមាត្រា ១០៧៦(បុគ្គលដែលមិនអាចក្លាយជាអ្នកត្រួតពិនិត្យអ្នកអាណាព្យាបាលសម្រាបើអនីតិជន)។
ត្រូវកែពាក្យ “ខេត្ត ក្រុង” ទៅជា “រាជធានី ខេត្ត” នៅក្នុងចំណុចខ នៃមាត្រា១០៤២​(ករណីកិច្ចពិភាក្សាអំពីចំនុចសំខាន់ៗទាក់ទងទៅនិងកូន)។
ត្រូវកែឃ្លា “សហពន្ធ័និងញាតិនៅក្នុង៤ថា្នក់របស់អនីតិជននៅក្រោមអាណាព្យាបាល”ទៅជា “សហពន្ធ័និងញាតិនៅក្នុង៤ថ្នាក់របស់អាណាព្យាបាលសម្រាប់អនីតិជន” នៅក្នុងមាត្រា​១០៧៦(បុគ្គលដែលមិនអាចក្លាយទៅជាអ្នកត្រួតពិនិត្យអ្នកអាណាព្យាបាលសម្រាប់អនីតិជន)។
ត្រូវកែឃ្លា “សហពន្ធ័និងញាតិនៅក្នុង៤ថា្នក់របស់ជននៅក្រោមអាណាព្យាបាលទូទៅ” ទៅជា “សហពន្ធ័និងញាតិនៅក្នុង៤ថ្នាក់របស់អ្នកអាណាព្យាបាលទូទៅ” នៅក្នុងមាត្រា១១១១​(បុគ្គលដែល​មិនអាចក្លាយជាអ្នកត្រួតពិនិត្យអ្នកអាណាព្យាបាលទូទៅ)។
ត្រូវកែឃ្លា “នៅមុនពេលចាប់ផ្ដើមសន្តតិកម្ម” ទៅជា​ “នៅមុនឬព្រមគ្នានិងពេលចាប់ផ្ដើម​សន្តតិកម្ម” នៅក្នុងវាក្យខណ្ឌទី១ កថាខណ្ឌទី១នៃមាត្រា១១៥៧(សន្តតិកម្មជំនួស)។
ត្រូវបន្ថែមឃ្លា​ “ចំពោះសន្តតិកម្មនោះ” បន្ទាប់ពីឃ្លា “បុគ្គលនោះមិនមែនជាសន្តតិជន” នៅក្នុងកថាខណ្ឌទី១នៃមាត្រា១២៦១(អានុភាពនៃការបោះបង់)។
ត្រូវកែឃ្លា “ការបែងចែកត្រូវធ្វើឡើងជាលាយលក្ខណ៍អក្សរទៅតាមទម្រង់នីមួយៗដែលចាំបាច់នៅក្នុងការផ្ទេរសិទ្ធិនោះ” ទៅជា “ការបែងចែកត្រូវធ្វើតាមទម្រង់ចាំបាច់ដើម្បីផ្ទេរសិទ្ធិនីមួយៗនោះដូចជាលិខិតជាលាយលក្ខណ៍អក្សរជាអាទិ៍” នៅក្នុងកថាខណ្ឌទី២មាត្រា១២៦៦(ការពិភាក្សាបែងចែកមរតក)។
ក‑ ការចាត់ចែងអំពីក្រមរដ្ឋប្បវេណីចាស់
ក្រមរដ្ឋប្បវេណីដែលបានអនុញ្ញតប្រកាស់ឲ្យប្រើដោយព្រះមហាក្សត្រ នៅថ្ងៃទី២៥ ខែកុម្ភៈ ឆ្នាំ១១៩២០និង ដែលត្រូវបានវិសោធនកម្មបន្តបន្ទាប់រហូតដល់មុនថ្ងៃទី១៧ខែមេសាឆ្នាំ១៩៧៥ មិនមានអានុភាពឡើយ។
ខ‑ អនុភាពនៃច្បាប់និងបទដ្ឋានគតិយុត្តផ្សេងទៀត

ក្រៅពីច្បាប់និងបទដ្ឋានគតិយុត្តដែលកំណត់ចាប់ពីមាត្រា៧៦(ការធ្វើឲ្យនិរាករណ៍នូវច្បាប់ ស្ដីពីអាពាហ៍ពិពាហ៍និងគ្រួសារ)ដល់មាត្រា៨២(ការចាត់ចែងអំពីក្រមរដ្ឋប្បវេណីចាស់) ច្បាប់និងបទដ្ឋានគតិយុត្តផ្សេងៗដែលមានអនុភាពនៅកាលបរិច្ឆេទនៃការអនុវត្ត ហើយផ្ទុយនិងបញ្ញត្តិនៃក្រមរដ្ឋប្បវេណីមិនត្រូវមានអនុភាពត្រិមត្រូវទំហំដែលផ្ទុយនិងក្រមរដ្ឋប្បវេណីចាស់ពីការបរិច្ឆេទ នៃការអនុវត្ត។

Monday, October 6, 2014

លក្ខន្តិកៈក្រុមហ៊ុន

លក្ខន្តិកៈក្រុមហ៊ុន

ប្រការ ១ ៖ នាមករណ៍ក្រុមហ៊ុន                                                                                                            
ប្រការ ២ ៖ ទម្រង់ក្រុមហ៊ុន                                                                                                                   
ប្រការ៣៖ កម្មវត្ថុអាជីវកម្ម                                                                                                                        
ISIC code : សូមជ្រើសរើស កូដ ដែលបញ្ជាក់ពីសកម្មភាពចំបងរបស់ក្រុមហ៊ុន
                                                                                                           
                                                                                                           
                                                                                                           
ប្រសិនបើម្ចាស់ហ៊ុនដាក់ការរឹតត្បឹតណាមួយ ទៅលើសកម្មភាពអាជីវកម្ម សូមបញ្ជក់ខាងក្រោម ៖

                                                                                                           
                                                                                             
ប្រការ ៤ ៖ អាស័យដ្ឋានទីស្នាក់ការក្រុមហ៊ុននៅក្នុងព្រះរាជាណាចក្រកម្ពុជា ៖                                     
                                                                                                                                                                                                                                                                                                                     
អាស័យដ្ឋានទំនាក់ទំនងរបស់ក្រុមហ៊ុន បើមានផ្សេង                                                                              

ប្រការ ៥ ៖ ឈ្មោះភ្នាក់ងារចុះបញ្ជីរបស់ក្រុមហ៊ុន                                                                                   
ប្រការ ៦ ៖ ថិរវេលានៃសកម្មភាពក្រុមហ៊ុនគឺ មានរយៈពេល                                                                              
ប្រការ ៧ ៖ ដើមទុនរបស់ក្រុមហ៊ុនគឺ                                                                                               រៀល ។
ដើមទុននេះត្រូវបានបែងចែកជា                                                                                                      ភាគហ៊ុន
ដែលភាគហ៊ុននិមួយៗ មានតម្លៃចារឹក                                                                                                រៀល។

ប្រការ ៨ ៖ ក្នុងករណីប្រភេទភាគហ៊ុនបន្ថែមត្រូវបានអនុញ្ញាតបោះចេញ មានប្រភេទ ចំនួន និង តម្លៃចារឹក ។ សូមបញ្ជាក់ពី សិទ្ធី ឯកសិទ្ធី ការរឹតត្បឹត និងលក្ខខណ្ឌទាំងឡាយដែលភ្ជាប់ទៅនឹងប្រភេទនៃភាគហ៊ុននិមួយៗ ។ ប្រសិនបើមានភាគហ៊ុនតែមួយប្រភេទត្រូវបានបោះចេញ សូមបញ្ជាក់ថា  មិនមាន
                                                                                                
ប្រការ ៩ ៖  ក្នុងករណីមានការឹតត្បឹតពិសេសណាមួយទៅលើការផ្ទេរភាគហ៊ុន ដែលបានបញ្ជាក់ដោយម្ចាស់ហ៊ុន សូមចែងឱ្យបានច្បាស់ ។ ប្រសិនបើគ្មានការរឹតត្បឹតទេ សូមបញ្ជាក់ថា គ្មាន                                                                     
                                                                                                           
ប្រការ ១០ ៖ ក្នុងករណីមានការឹតត្បឹតពិសេសណាមួយទៅលើការប្រកាស និងការបែងចែកភាគលាភ ដែលបានបញ្ជាក់ដោយម្ចាស់ហ៊ុន សូមចែងឱ្យបានច្បាស់ ។ ប្រសិនបើគ្មានការរឹតត្បឹតទេ សូមបញ្ជាក់ថា គ្មាន                                                                     
                                                                                                           

ប្រការ ១១ ៖ យើងទាំងអស់គ្នាដែលមានឈ្មោះ អាជីព សញ្ជាតិ អាស័យដ្ឋាន និង អត្តសញ្ញាណប័ណ្ណ ឬលិខិតឆ្លងដែន ដូចមាននៅក្នុងបញ្ជីខាងក្រោមបានសំរេចចិត្តបង្កើតក្រុមហ៊ុន ដូចមានចែងក្នុងលក្ខន្តិកៈនេះ ហើយយើងទាំងអស់គ្នាយល់ ព្រមទទួលយកចំនួនភាគហ៊ុននៅក្នុងដើមទុនរបស់ក្រុមហ៊ុនដូចបានបញ្ជាក់ ៖
ឈ្មោះរបស់ម្ចាស់ហ៊ុន / អាជីព / សញ្ជាតិ / អត្តសញ្ញាណប័ណ្ណ ឬ លិខិតឆ្លងដែននិងកាលបរិច្ឆេទ                   ចំណែក
                                                                                                                                    
                                                                                                                                    
                                                                                                                                    
                                                                                                                                    

ប្រការ ១២ ៖ បុគ្គលដែលមានឈ្មោះ និង អាស័យដ្ឋានដូចខាងក្រោមត្រូវបានតែងតាំងជាអភិបាលក្រុមហ៊ុន សំរាប់អាណតិកំណត់ដូចខាងក្រោម ៖
ឈ្មោះអភិបាល / អាស័យដ្ឋាន                                                                      អាណត្តិ
                                                                                                                                    
                                                                                                                                    
                                                                                                                                    

ប្រការ ១៣ ៖ តាមរយៈការចុះហត្ថលេខាលើលក្ខន្តិកៈ ម្ចាស់ហ៊ុន និង អភិបាលទាំងអស់ ទទួលស្គាល់កាតព្វកិច្ច ដើម្បីអនុវត្តតាម វិធានគ្រប់គ្រង ក្រុមហ៊ុន ដែលមានចែងក្នុងច្បាប់ សហគ្រាសពាណិជ្ជកម្ម ។

ប្រការ ១៤ ៖ ហត្ថលេខារបស់ម្ចាស់ហ៊ុន
ហត្ថលេខាម្ចាស់ហ៊ុន                                                                                  កាលបរិច្ឆេទ
                                                                                                                                    
                                                                                                                                    
                                                                                                                                    
                                                                                                                                    
                                                                                                                                    

ការណែនាំ

ប្រការ ១ ៖       នាមករណ៏របស់ក្រុមហ៊ុនឯកជនទទួលខុសត្រូវមានកម្រិតត្រូវបញ្ចូលពាក្យ ក្រុមហ៊ុនឯកជនទទួលខុស ត្រូវមានកម្រិត Private Limited Compan” ។ នាមករណ៍របស់ក្រុមហ៊ុនមហាជនទទួលខុសត្រូវមានកម្រិត ត្រូវដាក់នូវពាក្យថា “ក្រុមហ៊ុនមហាជនទទួលខុសត្រូវមានកម្រិត” ។ នាមករណ៍ក្រុមហ៊ុនត្រូវសរសេរ ជាភាសាខ្មែរ ហើយការបកប្រែនាមករណ៏ពីភាសារមួយទៅភាសារមួយទៀតត្រូវហាមឃាត់ ។

ប្រការ ២ ៖  ក្រុមហ៊ុនឯកជនទទួលខុសត្រូវមានកម្រិតគឺជាទ្រង់ទ្រាយមួយនៃក្រុមហ៊ុនមូល  ធនហើយត្រូវមានលក្ខណៈ សម្គាល់ដូចតទៅ ៖
-ក្រុមហ៊ុនអាចមានសមាជិកភាគហ៊ុនពី ០២(ពីរ)នាក់ រហូតដល់៣០ (សាមសិប)នាក់ ។ ប៉ុន្តែបុគ្គលម្នាក់ក៏អាច បង្កើតក្រុមហ៊ុនបានដែរ ដែលមានឈ្មោះ ថាសហគ្រាសឯកបុគ្គលទទួលខុសត្រូវមានកម្រិត ។ សហគ្រាសឯកបុគ្គលទទួលខុស ត្រូវមានកម្រិត មានលក្ខខណ្ឌដូចគ្នាទៅនឹងលក្ខខណ្ឌទាំងឡាយរបស់ក្រុមហ៊ុនឯកជទទួលខុសត្រូវមានកម្រិតដែរ លើកលែង តែលក្ខខណ្ឌស្តីពីទំនាក់ទំនងរវាងសមាជិក ភាគហ៊ុន ។
-ក្រុមហ៊ុននោះមិនអាចអនុញ្ញាតឱ្យលក់ភាគហ៊ុន ឬ មូលបត្រដទៃទៀជាសាធារណៈបានឡើយ ។ ប៉ុន្តែអាច អនុញ្ញាតឱ្យធ្វើអនុប្បទានទៅ សមាជិកភាគហ៊ុសមាជិកគ្រួសារ និងអ្នកគ្រប់គ្រងបាន ។ ក្នុងករណីធ្វើអនុប្បទានទៅ ឱ្យតតិយជនត្រូវ មានការយល់ព្រមពីសមាជិកភាគហ៊ុនដទៃទៀតតាមសំឡេងភាគច្រើន ។
-ក្រុមហ៊ុននោះអាចមានការរឹតត្បិតមួយ ឬ ច្រើនបានទៅលើការផ្ទេរចំណែកនៃប្រភេទភាគហ៊ុនទាំងអស់ ។
-ក្រុមហ៊ុនត្រូវបានទទួលស្គាល់ថាជាក្រុមហ៊ុនឯកជនទទួលខុសត្រូវមនាកម្រិត ចាប់ពីពេលដែលបានចុះបញ្ជី ពាណិជ្ជកម្ម តាមទម្រង់បែបបទជាក់លាក់ ដែលកំណត់ដោយប្រកាសរបស់ក្រសួងពាណិជ្ជកម្ម ។

ប្រការ ៣ ៖ សូមមើលតារាងក្នុងឧបសម្ព័ន្ធ និងជ្រើសរើសអ្វីដែលសមហេតុផលបំផុត ។ ជ្រើសរើស កូដ ដែល បញ្ជាក់ពីសកម្មភាពចំបងរបស់ក្រុមហ៊ុន ។

ប្រការ ៤ ផ្តល់អាស័យដ្ឋានស្នាក់ការក្រុមហ៊ុនពិតប្រាកដ និងអាស័យដ្ឋាន ទំនាក់ទំនង។ លិខិតជូនដំណឹងអំពីការផ្លាស់ប្តូរ ទីតាំងរបស់ទីស្នាក់ការចុះបញ្ជី ត្រូវផ្ញើទៅមន្ត្រី ទទួលបន្ទុកគ្រប់គ្រងក្រុមហ៊ុននៃក្រសួងពាណិជ្ជកម្មក្នុងរយៈពេល ១៥ (ដប់ប្រាំ) ថ្ងៃ នៃថ្ងៃធ្វើការបន្ទាប់ពីមានការផ្លាស់ប្តូរនោះ ។

ប្រការ ៥ ៖ ភ្នាក់ងារចុះបញ្ជីរបស់ក្រុមហ៊ុន ត្រូវតែជាបុគ្គលដែលមាន សមត្ថភាពតាមផ្លូវច្បាប់ ដែលអនុញ្ញាតឱ្យទទួលនូវ លិខិតស្នាម ឫឯកសារផ្លូវការ រួមមាន ដីកា និងការកោះអញ្ជើញរបស់តុលាការក្នុងនាមក្រុមហ៊ុន។

ប្រការ ៦ ៖ រយៈពេលនៃក្រុមហ៊ុនអាចកំណត់ដោយអ្នកស្ថាបនិក។ រយៈពេលនៃក្រុមហ៊ុនអាចមិនមានពេលកំណត់។

ប្រការ ៧ ៖លក្ខន្តិកៈក្រុមហ៊ុនត្រូវ ចែងពីចំនួនភាគហ៊ុនដែលត្រូវបានអនុញ្ញាតឱ្យបោះចេញដោយក្រុមហ៊ុន និងតម្លៃចារឹក នៃភាគហ៊ុននិមួយៗ។

ប្រការ ៨ ៖ ក្នុងករណីក្រុមហ៊ុនបោះចេញភាគហ៊ុនលើសពីមួយប្រភេទ នោះត្រូវបញ្ជាក់ពី សិទ្ធី ឯកសិទ្ធី ការរឹតត្បឹត និងលក្ខខណ្ឌទាំងឡាយដែលភ្ជាប់ទៅនឹងប្រភេទភៃគាហ៊ុននិមួយៗ ។

ប្រការ ៩ ៖       ច្បាប់សហគ្រាសពាណិជ្ជកម្មអនុញ្ញាតឱ្យធ្វើអនុប្បទានទៅសមាជិកភាគហ៊ុន សមាជិកគ្រួសារ និងអ្នក គ្រប់គ្រងបានដោយសេរី ។ ក្នុងករណីធ្វើអនុប្បទានទៅឱ្យតតិយជនត្រូវ មានការយល់ព្រមពីសមាជិកភាគហ៊ុន ដទៃទៀត តាមសំឡេងភាគច្រើន ។ ច្បាប់សហគ្រាសពាណិជ្ជកម្មចែងថា ការរឹតត្បឹតបន្ថែមទៀតលើការធ្វើអនុប្បទាន ត្រូវចែង  ក្នុងលក្ខន្តិកៈ ។

ប្រការ ១០ ៖ អភិបាលអាចប្រកាសចេញនូវ ភាគលាភសល់ ឬ ប្រាក់ចំណេញសុទ្ធរបស់ក្រុមហ៊ុន ដើម្បីចែកជូនម្ចាស់ហ៊ុន។ ការរឹតត្បិតអាចចែងនៅក្នុងលក្ខន្តិកៈ ។ មាត្រា ១៥៧ ១៥៩ នៃច្បាប់សហគ្រាសពាណីជ្ជកម្មមានចែងពីវិធាន និងការរឹតត្បឹតលើការបែងចែកភាគលាភ ។

ប្រការ ១១ ៖ ចែងពី ឈ្មោះ អាជីព សញ្ជាតិ អាស័យដ្ឋាន លេខ និង ថ្ងៃខែលិខិតឆ្លងដែនរបស់ម្ចាស់ហ៊ុនម្នាក់ៗ ព្រមទាំងចំនួនភាគហ៊ុនដែលបានបែងចែកទៅឱ្យម្ចាស់ហ៊ុនម្នាក់ៗ។

ប្រការ ១២ ៖ មាត្រា ១២១ នៃច្បាប់សហគ្រាសពាណីជ្ជកម្មមានចែងថាអាណត្តិ អភិបាលម្នាក់ៗត្រូវមាន អាណត្តិ ០២(ពីរ)ឆ្នាំ ហើយបានបញ្ជាក់ថាលក្ខន្តិកៈអាចចែងផ្សេង ។ មាត្រា ១១៦ ចែងថា អភិបាលដំបូងត្រូវកាន់តំណែង ចាប់ពីកាលបរិច្ឆេទនៃការបង្កើតក្រុមហ៊ុនរហូត ដល់មានមហាសន្និបាតម្ចាស់ហ៊ុនលើកទីមួយ ។ មាត្រា ១២៤ ចែងថា អភិបាលអាចត្រូវដកហូតចេញពីមុខតំណែងបាន ដោយសំឡេងភាគច្រើនដាច់ ខាតនៃម្ចាស់ហ៊ុនដែលមានសិទ្ធិបោះឆ្នោត ទោះជាមាន ឬ គ្មានមូលហេតុក៏ដោយ ។ មាត្រា ១១៦ ១៤២ នៃច្បាប់សហគ្រាសពាណីជ្ជកម្មមានចែងពីតួនាទី ការទទួលខុសត្រូវ និងការជ្រើសរើសអភិបាល ។ សិទ្ធិរបស់អភិបាលមានចែងក្នុងមាត្រា ១១៩នៃច្បាប់សហគ្រាសពាណីជ្ជកម្ម

លក្ខន្តិកៈក្រុមហ៊ុនចែងពីសិទ្ធិរបស់អភិបាលដែលមានជាអាទិ៍ ៖
-តែងតាំង និងដកហូតអ្នកគ្រប់គ្រងទាំងអស់ និងកំណត់នូវសិទ្ធិច្បាស់លាស់សម្រាប់អ្នកគ្រប់គ្រងទាំងនោះ ។
-កំណត់ប្រាក់បៀវត្ស និងប្រាក់បំណាច់ផ្សេងៗដល់អ្នកគ្រប់គ្រងទាំងនោះ ។
-កម្រិតប្រាក់បៀវត្ស ឬ ប្រាក់បំណាច់ផ្សេងៗ សម្រាប់អភិបាលទាំងឡាយ ហើយដាក់ជូនទៅម្ចាស់ហ៊ុនដើម្បីសុំ សេចក្តីសម្រេច ។
-ចេញប័ណ្ណកំណត់សន្យា សញ្ញាប័ណ្ណ និងលិខិតស្នាមដែលបញ្ជាក់ថាមានបំណុល និងតឹកតាងផ្សេងៗនៃ បំណុលរបស់ ក្រុមហ៊ុន និងកំណត់នូវលក្ខណៈដាច់ ខាត និងលក្ខណៈធៀបរបស់លិខិតស្នាមទាំងឡាយនោះ ។
-ស្នើសុំម្ចាស់ហ៊ុន ដើម្បីធ្វើការកែប្រែលក្ខន្តិកៈ ឬ លុបចោលលក្ខន្តិកៈ របស់ក្រុមហ៊ុន ។
-ស្នើសុំម្ចាស់ហ៊ុននូវកិច្ចសន្យារំលាយចូលគ្នា ឬ  រួមបញ្ចូលគ្នារវាងក្រុម ហ៊ុន និងបុគ្គលផ្សេងណាមួយ ។
-ស្នើសុំម្ចាស់ហ៊ុន ដើម្បីលក់ទ្រព្យសម្បត្តិក្រុមហ៊ុនទាំងអស់ ឬ មួយភាគ ។
-ស្នើសុំម្ចាស់ហ៊ុនដើម្បីរំលាយ ឬ ជម្រះបញ្ជីក្រុមហ៊ុន ។
-ប្រកាសភាគលាភទៅតាមគោលការណ៍គណនេយ្យ និងតាមលក្ខខណ្ឌនៃការដាក់ភាគហ៊ុនប្រភេទនីមួយៗដែល មានសិទ្ធី ទទួលភាគលាភ ។
១០-ចេញប័ណ្ណភាគហ៊ុនរបស់ក្រុមហ៊ុនទៅតាមវិសាលភាព ដែលបាន ចែងនៅក្នុងលក្ខន្តិកៈរបស់ក្រុមហ៊ុន ។
១១- ខ្ចីប្រាក់ ។
១២- បោះចេញ សាជាថ្មី ឬ លក់មូលប័ត្ររបស់ក្រុមហ៊ុន ។
១៣-ចុះកិច្ចសន្យាធានា ក្នុងនាមក្រុមហ៊ុន ។
១៤-ធ្វើអ៊ីប៉ូតែក ចុះកិច្ចសន្យាបញ្ចាំ បើមិនដូច្នេះទេបង្កើតផលប្រយោជន៍ ពីមូលប័ត្រចំពោះទ្រព្យសម្បត្តិទាំងអស់ ឬ ទ្រព្យសម្បត្តិណាមួយរបស់ក្រុមហ៊ុនដើម្បី ធ្វើការធានាកាតព្វកិច្ចណាមួយរបស់ក្រុមហ៊ុន ។
១៥-រៀបចំការបិទបញ្ជីគណនេយ្យនៃកាលបរិច្ឆេទនីមួយៗជូនម្ចាស់ហ៊ុន និងស្នើចាត់ចែងលទ្ធផលប្រចាំឆ្នាំដាក់ជូន មហាសន្និបាតនៃម្ចាស់ហ៊ុន ។

ប្រការ ១៣ ៖ តាមរយៈការចុះហត្ថលេខាលើលក្ខន្តិកៈ ម្ចាស់ហ៊ុន និង អភិបាលទាំងអស់យល់ព្រម ទទួលស្គាល់កាតព្វកិច្ច ដើម្បីអនុវត្តតាម វិធានគ្រប់គ្រង ក្រុមហ៊ុន ដែលមានចែងក្នុងច្បាប់ សហគ្រាសពាណិជ្ជកម្ម ។
ប្រការ ១៤ ៖ ម្ចាស់ហ៊ុន ទាំងអស់ត្រូវចុះហត្ថលេខាលើលក្ខន្តិកៈ ។


សេចក្តីតម្រូវភាគច្រើនដែលចែងដោយច្បាប់សហគ្រាសពាណិជ្ជកម្ម
- ក្រុមហ៊ុននិមួយៗ មានកាតព្វកិច្ចតម្កល់ប្រតិវេទន៍ប្រចាំឆ្នាំ ដែលទាក់ទងទៅនឹងស្ថានភាពរបស់ក្រុមហ៊ុននៅ ក្រសួង ពាណិជ្ជកម្ម ។ 
- ម្ចាស់ហ៊ុនត្រូវតែងតាំងសវនករមួយរូប ដោយសេចក្តីសម្រេចសាមញ្ញោនៅក្នុង មហាសន្និបាតម្ចាស់ហ៊ុនប្រចាំឆ្នាំលើកទីមួយ និងនៅមហាសន្និបាតប្រចាំឆ្នាំនីមួយៗ ។សវនករត្រូវកាន់តំណែងរហូតដល់ការបិទមហាសន្និបាតនៃឆ្នាំបន្ទាប់ ។
ប្រសិនបើសវនករថ្មីមិនបានតែងតាំងនៅក្នុងមហាសន្និបាតម្ចាស់ហ៊ុនទេសវនករដែលកំពុងកាន់តំណែងត្រូវបន្តរហូតដល់ សវនករថ្មីត្រូវបានតែងតាំង ។
- តាមរយៈការតម្កល់លក្ខន្តិកៈ ក្រុមហ៊ុនត្រូវមានកាតព្វកិច្ចអនុវត្តតាមវិធានទាំងឡាយដែលមានចែងក្នុង មាត្រា ១២៨-១៣២ និង មាត្រា ២០៥ ២២៣ នៃច្បាប់សហគ្រាសពាណីជ្ជកម្ម ដែលពាក់ពន្ធ័ដល់កិច្ចប្រជុំរបស់ អភិបាល និងម្ចាស់ហ៊ុន។
- តាមរយៈការតម្កល់លក្ខន្តិកៈ ក្រុមហ៊ុនត្រូវមានកាតព្វកិច្ចក្រុមហ៊ុនត្រូវរៀបចំនិងរក្សាទុក កំណត់ហេតុអង្គប្រជុំ និង សេចក្តីសម្រេចទាំងឡាយរបស់ម្ចាស់ហ៊ុន មុននិងអាចធ្វើសម្រង់បានដោយមិនគិតកម្រៃ ដោយយោងតាម មាត្រា ១០៩-១១០ នៃច្បាប់សហគ្រាសពាណីជ្ជកម្ម ។
- ក្រុមហ៊ុនមួយអាចរៀបចំបទបញ្ជាផ្ទៃក្នុងផ្ទាល់ ដើម្បីសម្រួលដល់កិច្ចការអាជីវកម្មរបស់ក្រុមហ៊ុន ។ ប៉ុន្តែ មិនចាំបាច់ តម្កល់បទបញ្ជាផ្ទៃក្នុងមួយនៅក្រសួងពាណិជ្ជកម្ម ដែលធ្វើឡើងក្នុងគោលបំណងដើម្បីបញ្ជាក់ អំពីសិទ្ធិពិសេសណាមួយទៅលើ ក្រុមហ៊ុន និងអភិបាលក្រុមហ៊ុន ។
- ក្រុមហ៊ុនមិនត្រូវប្រកបពាណិជ្ជកិច្ចណាមួយ ឬ អនុវត្តសិទ្ធិណាមួយ ដែលលក្ខន្តិកៈ របស់ខ្លួនបានហាមឃាត់ឡើយ ។
- ក្រុមហ៊ុនត្រូវរៀបចំនិងរក្សាទុកសៀវភៅបញ្ជី និង កំណត់ហេតុដូចមានចែងក្នុង មាត្រា ១០៩- មាត្រា ១១៤ នៃច្បាប់សហគ្រាសពាណីជ្ជកម្ម ។
ផ្អែកទៅតាមលក្ខន្តិកៈ បទបញ្ជាផ្ទៃក្នុងរបស់ក្រុមហ៊ុន និងរាល់សិទ្ធិដែលអាច ទិញមុនគេរបស់ម្ចាស់ហ៊ុន ភាគហ៊ុន និងមូលប័ត្រ អាចអនុញ្ញាតឱ្យបោះចេញទៅតាម ពេលវេលា និងចំពោះបុគ្គលទាំងឡាយដែលអភិបាលក្រុមហ៊ុនកំណត់ឱ្យ ។
អភិបាលត្រូវកំណត់តម្លៃរបស់ប័ណ្ណភាគហ៊ុន និងតម្លៃមូលប័ត្រដែលត្រូវលក់ចេញ ។ តម្លៃភាគហ៊ុនមិនត្រូវបោះចេញទេ រហូតដល់ការបង់ថ្លៃសម្រាប់ភាគហ៊ុនត្រូវបានបំពេញចប់សព្វគ្រប់ជា សាច់ប្រាក់ ជាវត្ថុ ឬ ជាសេវាពីមុនទៅក្នុងក្រុមហ៊ុន ។
អភិបាលទាំងឡាយកំណត់តម្លៃនៃការដាក់ភាគទុនជាវត្ថុ ឬ ជាសេវាកម្មពីមុននោះ ហើយសេចក្តីសម្រេចរបស់អភិបាល ទាំងនេះចាត់ទុកជាបានការប្រសិនបើគ្មាន ការក្លែងបន្លំពាក់ព័ន្ធក្នុងរឿងនេះទេ ។
- មាត្រា ១៦៤- មាត្រា ១៩៨ នៃច្បាប់សហគ្រាសពាណីជ្ជកម្ម គ្រប់គ្រងការចេញមូលបត្រ័ ការចុះបញ្ជី និងការផ្ទេរមូលបត្រ័។
១០- តាមមាត្រា ២២៤ - មាត្រា ២៣៤ នៃច្បាប់សហគ្រាសពាណីជ្ជកម្ម ការតម្កល់លក្ខន្តិកៈអភិបាលក្រុមហ៊ុន មានកាតព្វកិច្ចផ្តល់ដល់ម្ចាស់ហ៊ុននូវ របាយការណ៏ហិរញ្ញវត្ថុ របាយការណ៏ សវនករ និង ពត៌មានដែលពាក់ព័ន្ធដល់ ស្ថានភាពហិរញ្ញវត្ថុក្រុមហ៊ុន និងលទ្ធផលនៃប្រតិបត្តិការអាជីវកម្ម ដែលតម្រូវដោយ លក្ខន្តិកៈ និង បទបញ្ជាផ្ទៃក្នុង ។
១១- មាត្រា ១៦៤- មាត្រា ១៩៨ នៃច្បាប់សហគ្រាសពាណីជ្ជកម្មចែងពី វិធានសំរាប់ធ្វើការកែប្រែលក្ខន្តិកៈ ។
១២- តាមរយៈការតម្កល់លក្ខន្តិកៈ អភិបាល និង ម្ចាស់ហ៊ុនមានកាតព្វកិច្ចអនុវត្តតាម មាត្រា ២៥១ ២៥៨ នៃច្បាប់សហគ្រាសពាណីជ្ជកម្ម ។
១៣- តាមមាត្រា ២៨៩ នៃច្បាប់សហគ្រាសពាណីជ្ជកម្ម លក្ខន្តិកៈ ឬ បទបញ្ជាផ្ទៃក្នុងអាចចែងថា ជំលោះណាមួយ ដែលកើតមាន រវាងអភិបាល និង ម្ចាស់ហ៊ុន ត្រូវដោះស្រាយនៅ មជ្ឈត្តការ។