អង្គការសង្គមស៊ីវិលទាមទារនូវការគោរព​ និង​ភាពជាដៃគូរពេញលេញជាមួយរាជរដ្ឋាភិបាលកម្ពុជា

សម្រាប់ការផ្សាយបន្ទាន់                                               ថ្ងៃពុធ ទី ២៧​វិច្ឆិកា ២០១៣សហគមន៍អង្គការក្រៅរដ្ឋាភិបាលបានផ្តល់ឲ្យប្រជាជនកម្ពុជានូវប្រាក់រាប់រាយលានដុល្លារតាមរយះសំភារះ និងសេវាកម្មផ្សេងៗក្នុងមួយឆ្នាំៗ ប៉ុន្តែគួរអោយសោកស្តាយរបាយការណ៍​ថ្មីមួយបាន​និយាយ​ថា រដ្ឋាភិបាលហាក់បីដូចជាមិនបានចាត់ទុក សហគមន៍អង្គការក្រៅរដ្ឋាភិបាល​ជា"ដៃគូយុទ្ធសាស្រ្តសំខាន់​មួយ​នោះទេ"។របាយការណ៍មួយដែលមានចំណងជើងថា​ ការវាយតម្លៃ​បរិយាកាស​អំណោយផល​សម្រាប់​​​អង្គការ​សង្គម​ស៊ីវិល គឺបានធ្វើឡើងដោយផ្អែកលើការស្រាវជ្រាវ និងបទសម្ភាសន៍នានាៗ ជាមួយ​នឹង​អ្នកតំណាងរបស់អង្គការក្រៅរដ្ឋាភិបាលជាតិ និងអន្តរជាតិ និងអង្គការសមាជិកដទៃទៀត សាស្រ្តចារ្យ សមាជិកសហជីព អ្នកសារពត៌មាន និងអ្នកតំណាងពីខាងរដ្ឋាភិបាលដែល​សុំមិនបញ្ចេញឈ្មោះ។របាយការណ៍នេះបានលើកឡើងពីឧបសគ្គនានាៗដែលរំខានដល់ការប្រតិបត្តិប្រកបដោយប្រសិទិ្ធភាព​របស់អង្គការសង្គមស៊ីវិល ដែលមានតាំងពីការ​ដែលមន្រ្តីរដ្ឋាភិបាល​យកកម្រៃខុស​ច្បាប់​​ក្នុងការ​ចុះបញ្ជីអង្គការ​ក្រៅរដ្ឋាភិបាល រហូតដល់ការរំខានរបស់នគរបាលទៅលើអ្នករៀបចំ និងអ្នក​ចូលរួម​នៅក្នុងកិច្ចប្រជុំ និងបាតុកម្មស្រប​ច្បាប់នានាៗ។មិនតែប៉ុណ្ណោះមានការរិះគន់ជាបន្តបន្ទាប់ចំពោះការបែរខ្នងមិនអើពើរពីសំណាក់រដ្ឋាភិបាល​​ចំពោះ​ការព្រួយបារម្ភ និងអនុសាសន៍នានាៗដែលសង្គមស៊ីវិលបានពាំនាំ​មក​ពីថ្នាក់មូលដ្ឋាន​នៅក្នុងប្រទេស​កម្ពុជា។ មនុស្សម្នាក់ដែលបានសម្ភាសន៍សម្រាប់របាយការណ៍នេះបាននិយាយថា

"នៅក្នុងប្រទេសកម្ពុជា​ វាជាការកម្រណាស់ដែលរាជរដ្ឋាភិបាលថ្នាក់ជាតិមានការប្តេជ្ញាចិត្តក្នុងការកសាងភាពជាដៃគូជាមួយនឹងអង្គការសង្គមស៊ីវិល"។

    របាយការណ៍ប្រចាំប្រទេសកម្ពុជា​:

ការវាយតម្លៃ​បរិយាកាស​អំណោយផល​សម្រាប់​​​អង្គការសង្គម​ស៊ីវិលការពិគ្រោះយោបល់ថ្នាក់ជាតិ: សណ្ឋាគារហ៊ីមាវ៉ារី អាគារលេខ ៣១៣ ផ្លូវព្រះស៊ីសុវត្ថិ ភ្នំពេញនៅថ្ងៃព្រហស្បតិ ទី ២៨ វិច្ឆិកា ២០១៣ វេលាម៉ោង ៨:០០ព្រឹក ដល់ម៉ោង ៤:៣០រសៀល

សន្និសិទកាសែត នៅម៉ោង ១០ព្រឹក ​​របាយការណ៍នេះបានរៀបចំសម្រាប់អង្គការ CCC ដោយអង្គការ Cord-Cambodiaក្រោមគំនិត ផ្តួចផ្តើម​របស់អង្គការ CIVICUS និង អង្គការមជ្ឈមណ្ឌលច្បាប់អន្តរជាតិ ដោយមិនរកប្រាក់កំរៃ ​​ICNL​ក្នុងគោលបំណងគាំទ្រដល់សិទ្ធរបស់អង្គការសង្គមស៊ីវិល។

របាយការណ៍ដែលមានចំណងជើងថា "ការវាយតម្លៃ​បរិយាកាស​អំណោយផល​សម្រាប់​​​អង្គការ​សង្គម​ស៊ីវិល" បានពិនិត្យលើផ្នែក​ចំនួនប្រាំពីរ (៧) ដែលទាក់ទងនឹងការរៀបចំ ការធ្វើប្រតិបត្តិការ និងស្វែងរកធនធាននានា របស់អង្គការសង្គមស៊ីវិល ហើយនៅក្នុង​ករណី​នីមួយៗ​​​បានបញ្ជាក់ផង​ដែរនូវ​បញ្ហា​ប្រឈម​និងឧបសគ្គគន្លឹះសំខាន់ៗដែលអង្គការ​សង្គមស៊ីវិល​បាន​​ជួបប្រទះ។

ចំណុចទាំងប្រាំពីរនោះរួមមាន(១)​.ការ​រៀបចំបង្កើត​អង្គការ​​សង្គម​ស៊ីវិល(២).កិច្ចប្រតិបត្តិការ​របស់​​​​​អង្គការ​សង្គម​ស៊ីវិល​ (៣).លទ្ធភាព​ទទួល​បាន​​ធនធាន (៤).ការ​បញ្ចេញ​មតិ (៥).ការជួបជុំ​ដោយ​សន្តិវិធី​ (៦).ទំនាក់​ទំនង​រាជរដ្ឋាភិបាល​ និង​​សង្គម​ស៊ីវិល និងចំណុចចុងក្រោយស្តីពី​ (៧).កិច្ចសហប្រតិបត្តិការ​ និង​សម្ព័ន្ធភាព​សង្គម​ស៊ីវិល។

អ្នកដឹកនាំអង្គការសង្គមស៊ីវិល និងអ្នកស្រាវជ្រាវ នឹងពិនិត្យមើលឡើងវិញនូវការ​រកឃើញនេះនៅឯកិច្ចប្រជុំនាថ្ងៃព្រហស្បតិ៍ដោយមានកម្មវត្ថុក្នុងការបង្កើតនូវយុទ្ធនាការសម្រាប់ភាពជាដៃគូពេញលេញមួយដើម្បីការអភិវឌ្ឍប្រកបដោយចីរភាពនៅប្រទេសកម្ពុជា។សិក្ខាកាមដែលចូលរួមក្នុងការពិគ្រោះយោបល់នេះ និងត្រូវបានស្នើសុំ​អោយអានរបាយ​ការណ៍ កំណត់បញ្ហាចំបង និងស្វែងរកវិធីសាស្រ្តក្នុងការតស៊ូមតិ។  សម្រាប់ពត៌មានបន្ថែមសូមទំនាក់ទំនងមកកាន់លោកស្រី គឹម ធីតាកល្យាណីប្រធានផ្នែកទំនាក់ទំនង និងកិច្ចការសាធារណ:

​ទូរស័ព្ទដៃ: +855 (0)12 492 798    ទូរស័ព្ទលើតុ: +855 (0)23 214 152    

  “This press release is prepared by​ CCC through the Civic Space Initiative, implemented in partnership with the International Center for Not-for-Profit Law, ARTICLE 19, CIVICUS: World Alliance for Citizen Participation, and the World Movement for Democracy.”